منتديات ماما نجية لتفسير الاحلام

منتديات ماما نجية لتفسير الاحلام

عفوا المنتدى للنساء فقط
 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 تفسير احلام يوم الثلاثاء الموافق 10\9 ان شاء الله

اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
نهر الحياه
عضوة
عضوة
avatar

عدد المساهمات : 195
تاريخ التسجيل : 23/11/2014
العمر : 30

مُساهمةموضوع: رد: تفسير احلام يوم الثلاثاء الموافق 10\9 ان شاء الله   الأربعاء 10 أكتوبر - 11:15

حلمت اني رأيت فتاه تشترى 3 خس خس ووضعتهم في شنطه بلاستيك انسه

الرجوع الى أعلى الصفحة اذهب الى الأسفل
بوسى 123
عضوة
عضوة
avatar

عدد المساهمات : 375
تاريخ التسجيل : 28/09/2014
العمر : 51

مُساهمةموضوع: رد: تفسير احلام يوم الثلاثاء الموافق 10\9 ان شاء الله   الأربعاء 10 أكتوبر - 15:20

عملت استخارة علشان موضوع العريس القديم ..حلمت انى فى شقة (تقريبا دى شقة صاحبتى القديمة زمان و كان اسمها دعاء )و لقيت حد قال انه نتيجة بنتى الصغيرة طلعت فى المدرسة و حسيت انه النتيجة بتاعت زمايلها مش حلوة و شفت جارتى القديمة اسمها امانى و كانت بتحسب درجات بنتها و انا قلت انزل اشوف النتيجة ..قبل ما انزل من باب الشقة قلت اشوف فين الموبايل بتاعى ..زى مش لاقياه و بعدين اخو زوجى محمود كان واقف و لقيته بيعطينى الموبايل و قلت ايوة هو ده اللى الشاشة بتاعته مكسورة ..و شفت حتة مكسورة فعلا من فوق .. نزلت السلم و خرجت من مدخل العمارة و كنت زى بقول هو انا امشي يمين ولا شمال ...بصيت لقيت على الشمال ناس واقفين و قلت ايوة هى دى المدرسة و لقيت ستات بيسلموا على بعض و بقول ممكن بنتى تكون درجاتها حلوة زى كل مرة و بعدين قلت بس ممكن تنقص زى الناس التانيين ..شكرا
حلمت كمان انه بنتى الكبيرة قاعدة فى الشارع على باب بيت جدى القديم و انا ورا الباب و لقيت واحدة صاحبتى معدية و بنتى نادت عليها بس قالت لها يا ماما ..ما قالتش يا طنط مثلا ...و صاحبتى سلمت على بنتى و كانوا مبتسمين و بعدين صاحبتى نادت على أخوها اسمه اسلام و هو جه سلم على بنتى و قال لها احنا هنجيب عرسان و قال لأخته ايه رايك فى أولاد عواطف و اخته قالت له لا ...انا كنت لابسة هدوم مش مناسبة و كمان رجلى كان جزء منها باين و قلت اجرى بسرعة اغير هدومى و فعلا دخلت جوة البيت و كان فى سلم بس لقيت كرسي كبير محطوط على السلم و قافل السلم ما حدش يعرف يعدى ...(صاحبتى دى و أخوها متزوجين و اولادهم فى المدرسة و الجامعة ...بس أخوها ده معرفوش اصلا يمكن شفته مرة صدفة بس )
الرجوع الى أعلى الصفحة اذهب الى الأسفل
ماما نجية
شخصية vip
شخصية vip


عدد المساهمات : 5410
تاريخ التسجيل : 17/07/2011

مُساهمةموضوع: رد: تفسير احلام يوم الثلاثاء الموافق 10\9 ان شاء الله   الأربعاء 10 أكتوبر - 21:12

نانا_توتا كتب:
ازيك يا ماما نجيه يا رب تكونى بخير دايما
انا غفلت وحلمت ف ثوانى ان ف ملاهى وف مبنى طلعاه واطفال بتجرى بتنزل وتطلع عادى بس المبنى دا مفهوش درابزين للسلم او لسه بيعملوه بس شغال لاقيت بنت نازله تعيط وكانت هتقع بين السلالم من بير السلم الضيق لكن مسكتها وقولتلها بتعيطى ليه مش لاقيه بابا وماما قالت اه
قولتلها تعالى معايا اطلع ادورلك عليهم ومسكت ايدها وطالعين لاقيت ولد امور شعره دهبى وابيض بيجرى ويلعب ونازل فبيجرى يبص على تحت ع الملاهى والسور مفرغ كدا مش مقفل وانا بجرى اجيبه ملحقتهوش ولاقيته وقع من فوق ونزل على لعبه شغاله وازازها اتكسر وشوفته بيترعش كدا بس مبيتحركش والناس صرخو وقالو وقفو اللعبه ف طفل وقع واتا قومت من غفله دقيقه مخضوضه
انا متزوجه ومتدينه ومعايا بنتين وولد وحاليا عند اهلى غضبانه من ظلم جوزى واهله واكيد حضرتك فكرانى انا الا جوزى مدمن وخسر شغله من4سنين بس ربنا كرمنا وكنت سبب لسه انى اشغله شغلانه كويسه ومقدرش اى حاجه
انا صليت استخاره ع طلاق وقالولى حرام مبتصلاش ف طلاق صلى صلاه حاجه وصليتها
بس جوزى معاه البنين ومن ساعه مغضبت مقعدهم م المدرسه والدروس عند ولوى دراع عشان ارجع وانا تعبانه اوى
ادعيلى بالله عليكى
حبيبتى انت فى تلاهى فى الدنيا وعن عيالك وعندك نكد كبير بس النكد هيروح وهترجع لك دنيتك باذن الله ارجعى لبيتك واولادك لانه ملهمش غيرك
صوت روح كتب:
السلام عليكم و رحمة الله
رايت ان اخي عبد الوهاب اعطاني 55 دينار : ( 3 اوراق نقدية ) ورقة 5 دنانير و ورقة 20 دينار و ورقة 30 دينار ( ليس لدينا هذا النوع من الاوراق النقدية)
فقلت له ان لدي مال و لكنه اصر اعطائي اياهم .
آنسة موظفة
اخي موظف عازب
حبيبتى حبة مشاكل ويعدوا على خير
صوت روح كتب:
السلام عليكم و رحمة الله
رايت اني استعد للذهاب لاجتياز امتحان مادة الرياضة و كنت مسرعة و لكن حين نظرت الى الساعة و جدت رقم 10 مكان 11 في الساعة الدائرية اي  بعد الرقم 9 يوجد رقم 11 اثم 10 ثم 12 فاستغربت الامر 
خيرا ان شاء الله
حبيبتى انت عندك مشكلة لكن ربنا هيحلها وفى موضوع خير سوف يتم لك باذن الله
Alafekra202020 كتب:
السلام عليكم ورحمة الله وبركاته
زوجي حلم انه شافني واقفة فوق عند سلم وزوجي واقف تحت مع مجموعة من شبآب وكان حاسس انهم عايزين يعاكسوني وبيقولي أنزلي وانا قلتله مش قادرة .طلع لي وقالي مش عايزة تنزلي ليه
قلتله رجلي واقفة مشلولة مش عارفه اتحرك راح جاب جردل مية ودلقة فوقي  بس كدة علما باني تعبانة فعلا وساعات رجلي بتقف ومبقدرش علي الحركة وعندي فحوصات بعملها يارب يكون خير
حبيبتى انت عندك حبة تعب فعلا بس جوزك هيقف بجوارك وهيعالجك وربنا هيشفيك باذن الله
Alafekra202020 كتب:
السلام عليكم ورحمة الله وبركاته
زوجي حلم انه شافني واقفة فوق عند سلم وزوجي واقف تحت مع مجموعة من شبآب وكان حاسس انهم عايزين يعاكسوني وبيقولي أنزلي وانا قلتله مش قادرة .طلع لي وقالي مش عايزة تنزلي ليه
قلتله رجلي واقفة مشلولة مش عارفه اتحرك راح جاب جردل مية ودلقة فوقي  بس كدة علما باني تعبانة فعلا وساعات رجلي بتقف ومبقدرش علي الحركة وعندي فحوصات بعملها يارب يكون خير

Alafekra202020 كتب:
السلام عليكم ورحمة الله وبركاته
زوجي حلم انه باع شقة واخد شنطة مليانة فلوس عملة سعودي فئة ال 500 ريال وكان معاه اتنين اللي باعلهم الشقة وكانو بيعدو الفلوس ويعطهالو وبعدين فيه اتنين رجالة دخلو عليه في العربية من ورا راح  خاف واعطي شنطة الفلوس لواحد راكب معاه أدام وقالله خلي الشنطة دي معاك تحت رجلك
حبيبتى فيه مشكلة هيمر بها زوجك بس ربنا هيحلها ان شاء الله
بوسى 123 كتب:
حلمت انى فى المطبخ بتاعى و معايا واحدة ست (الست دى ام العريس اللى كان عايز يرجع يتكلم تانى بعد لما ما حصلش نصيب) و الست كان معاها طبق صينى لونه ابيض (عندى زيه فى الحقيقة) و كان فى جزء من الطبق مكسور  يعنى زى ما تكون هى كانت بتغسل الأطباق و الطبق ده اتكسر منها  ..و هى قالت لى انها ممكن تحاول تصلح الطبق و انا قلت لها ما ينفعش خالص و اخدته و رميته فى الزبالة ...انا متهيالي الحلم معناه انه ام الولد هحاول تتكلم تانى فى الموضوع  و انا مش هوافق..بس الموضوع فات عليه وقت و بنتى كمان قالت للولد انه مش هتفتح الكلام تانى ..معقولة هيتكلموا تانى ؟؟
حبيبتى فعلا تفسيرك صح امه هتحاول اصلاح الامور لكن انت مش هتوافقى وكل شئ نصيب
بوسى 123 كتب:
حلمت انى واقفة فى محل و معايا بنتى الكبيرة و انا كنت بقيس فستان .(الفستان كان فيه أشكال كده بالأسود زى مربعات و مثلثات و كده بس كان الأرضية بتاعت الفستان لونين مختلفين ..يعنى النص اليمين الأرضية لونها ابيض و النص الشمال الأرضية لونها بمبي ..بس الرسومات باللون الاسود هى هى ..و انا مش مقتنعة بالفستان و بنتى تقولى انه حلو  و انا لسه بفكر  و عمالة ابص على اللونين و مستغربة و فى الاخر قلت لها انه ما ينفعش اروح بيه فرح كبير لكن ينفع اروح بيه خطوبة بسيطة او قراءة فاتحة مثلا و بنتى قالت لى ايوة فعلا ..و لقيت ست بتقيس فستان كمان بس الست كانت تخينة  زى بصت عليا علشان انا مش تخينة كده زيها
شكرا
حبيبتى فيه عريس هياتى لبنتك وانت هتترددى في امره
بوسى 123 كتب:
الحلم ده كان معايا بنتى الصغيرة و زى ما تكون هى كانت عايزة تين شوكى و انا دخلت محل عصير و قلت للراجل عايزة تين شوكى و قال لى حاضر ..و شفته مسك الخلاط ..بس قعدت افكر انه بنتى ما قالتش هى عايزة التين نفسه و لا عايزة عصير ؟؟؟و بعدين لقيت نفسي مع بنتى الصغيرة قاعدين فى عربية فى الكنبة ورا ..لقيت كلب رايح جاى جنب العربية لونه معظمه اسود و فيه أجزاء صغيرة صفراء ..و انا خايفة من الكلب و مش عايزة انزل من العربية و بعدين قلت خلاص ننزل نحاول نعدى ..و لقيت الكلب عادى ما عملش حاجة و مشي جنب بنتى و انا بقول لها استنى امسك الكلب من السلسلة احسن ..و مشينا و بعد كده سالت  بنتى هى عايزة التين عصير ؟؟قالت لى ايوة و تقريبا جبنا العصير و هى شربته..
(بنتى فى المدرسة) شكرا
حبيبتى فيه شئ هيفرح بنتك باذن الله بس فيه واحد ندل بيحاول التلسن عليكم لكن مش هياذيكم ان شاء الله
الحامده لله كتب:
انا حلمت ان ماما قالتلي انا جبتلك حذاء
قولتلها بكام قالتلي ب١٠ جنيه تعالي لما نشوف الست اشتريته ولالأ
فالست نزلت من مكان كده معاها فرده من الحذاء بتفرجنا عليه لقيناه مقرف اوي وشكله حقير ومترب
فماما أخدت بالها انه مقطوع قالت للست لأ خلاص مش عاوزين
فأنا قولتلها خلاص نبدله بواحد انضف
راحت قالتلي لأ خلاص مش عاوزين
فطلعنا مكان كده عشان نشوف اذ كنا هنجيب اي حاجه بداله ولا لأ
بس الحلم انتهي ع كده اننا مخدناش الحذاء

لاننا اتقرفنا منه
حاليا صاحبه ماما جيبالي عريس بس انا لسه مشوفناهوش
انا عزباء
حبيبتى فيه عريس هياتيك فعلا بس مش هيعجبك
بوسى 123 كتب:
كنت عملت استخارة على موضوع العريس القديم اللى كان عايز يفتح الموضوع تانى...
حلمت انه انا مع بنتى الصغيرة فى المدرسة و شفت الفصل بتاعها بس كان مكتوب عليه حاجتين ..يعنى زى فصل اولى /رابع ..و كمان مكتوب اولى /تانى او تالت مثلا  ...و زى اتلخبطت شوية و بعدين قلت ايوة هو ده الفصل و قلت لها تدخل ..بس زى ما يكون المدرسة دى جديدة و المفروض تلبس زى مدرسي جديد ..و لقيت معايا بنطلون كحلى و المفروض انى غيرت لها البنطلون و لبست بنطلون تانى كحلى و دخلت الفصل ..و بعدين لقيت معايا بنطلون كحلى على كتفى و فى ست بتقول لى انه لازم هى تلبس الزى الجديد او البنطلون الجديد علشان المدرسة مش هوافق انها تلبس البنطلون القديم ..انا مسكت البنطلون اللى على كتفى لقيت الخامة بتاعته خفيفة ..و بقول انه البنطلون القديم الخامة بتاعته اتقل من الجديد ..و زى ما تكون بنتى ما لبستش البنطلون الجديد اللى هو معايا ده و خامته خفيفة ..مع ان المفروض انها لبسته  
بعد كده لقيت نفسي قاعدة مع واحدة ست لطيفة و زى ما اكون اول مرة اتعرف عليها لأننا جداد فى المدرسة و كان اسمها زى اسمى ..و قعدنا نتكلم و قلت لها هتستعملى اتوبيس المدرسة ل بنتك ولا ايه ..قالت لى احنا بنلف نلف و نرجع تانى ل الاتوبيس و قلت لها انه مكان المدرسة قريب من بيتى و قلت عنوان بيتى الحقيقى ..و قالت لى فعلا ده قريب ..و قلت لها انتى معاكى عربية ؟؟ قالت لا ..و بعدين قلت لها هاتى رقم موبايل بتاعك و قالت لى مش مشكلة احنا هنتقابل تانى بس قلت لها لا الاحسن ناخد ارقام بعض ..و لقيت معاها موبايل  ..و قالت لى انه عيد ميلاد بنتها يوم 20 الشهر ده ..و انا قلت دى اكيد هتعزمنا و كنت عايزة اقول لها حاجة عن بنتى الكبيرة بس ما قلتش ...المدرسة دى فى الحقيقة تشبه مدرسة جنبنا فعلا ..بس بنتى مش فيها ..
شكرا
حبيبتى الرؤيا فيها رجوع للماضى وفيها حبة نكد وانتم هتفكروا فى الرجوع فعلا بس مش واضح فى الرؤيا ان فيه رجوع حقيقى
نانا_توتا كتب:
حلم رقم 11
ازيك يا ماما نجيه
الحلم دا لاختى هى بنت مش متزوجه
واحنا لينا خال توفى ف شهر12الا فات واختى توفت بعديه
هى حلمت بخالى المتوفى اكنه عريس ليها وهى لابسه فستان ابيض وروحو بيتهم سوا وبتغير هدومها وكانت لابسه هدوم البيا تحت فستان الفرح وبتقولى خالى كمان غير هدومه ولبس هدوم بيت
اختى بنت عندها39سنه وبتصلى
حبيبتى اختك هياتى لها عريس يشبه خالك والله يرحم اموانتا واموات المسلمين جميعا
صوت روح كتب:
السلام عليكم و رحمة الله
رايت اني امي في المطبخ و تقوم باعداد انواع من الكعك و البسكويت و نظرت الى الحائط فوجدت لافتة عليها اسماء الحلويات التي تعدها .


2

و لي رؤيا اخرى اني مع اناس قد اجتازوا ماجستير و ملف الماجستير جاهز و اخذته كأني ساقوم باجتيازها انا ايضا و كنت اعلم انه يجب علي تغيير اشياء في الملف فقط دون اعداده.

آنسة موضفة مهمومة لم اقم بالماجستير و لا افكر في الدراسة
امي متوفاة اسمها فاطمة







حبيبتى ان شاء الله هتاتى لكم مناسبة حلوة باذن الله اما التانى ربنا هيرفع قدرك ان شاء الله
بوسى 123 كتب:
كنت عملت استخارة على حاجتين (اول حاجة بنتى الصغيرة رايحة عند مدرس جديد اول حصة و معادها الساعة ١٢ ...الحاجة التانية انه فى ناس بيلمحوا على موضوع عريس مسافر برة و موضوع السفر ده مش مريحنى شوية  و قلت استخير بس لسه ما حدش اتكلم رسمى...حلمت انه انا زى شديت فى الكلام مع بنتى الكبيرة بس مش عارفة قلنا ايه و لقيت زوجى بيزعق لى انا يعنى انا السبب في المشكلة   ..و انا زعلت و قمت علشان امشي و كنا قاعدين على ترابيزات و كنا مش جنب بعض ..و انا طالعة  زى ما يكون احنا فى مطعم (المطعم ده بعيد فى طريق برج العرب كده) و قلت اطلع و اسيبهم و اشوف لو ينفع الاقى  تاكسي يروحنى ..و بعدين قلت ممكن استنى زوجى و بنتى و اشوف هعمل ايه ..بعد كده لقيت نفسي فى بيتى ..لقيت بنتى الصغيرة بتقول انها رايحة عمرة و الرحلة الساعة ١٢ .و انا قلت لها ماشي بس مافيش خروج بعد كده..بنتى الكبيرة قالت عادى ممكن تخرج ...انا قربت من بنتى الكبيرة و قلت لها ابقى اعملى اللى انتى عايزاه لما تروحى بيتك لكن هنا ده بيتى انا و انا اللى اتصرف ..و قلت المفروض نجهز الشنطة لبنتى الصغيرة و رحت لقيت تقريبا شنطة و فيها حاجات اطفال سن ٣ او ٤ سنوات كده زى ما تكون حاجات بنتى و هى صغيرة ..اللى فاكراه كانوا 2 بلوفر شتوى ..واحد منهم عارفة انه بتاعنا و التانى مش عارفاه ...و بعدين لقيت فجاءة ابنى رجع من السفر (فى الحقيقة ابنى سافر من قريب) و بعدين قلت اروح اخد هدومه اغسلها  دخلت حجرة لقيتها مكركبة شوية   فيه زى ملايات بيضاء فوق بعض بس مش متطبقين و قلت عايزة اروق الحجرة بس لقيت ابنى نايم على السرير و قلت خلاص بعدين ...بعد كده دخلت المطبخ و لقيت دولاب صغير متعلق و الضلفتين بتاعته زجاج .و فتحت الضلفتين لقيت جزء من الدولاب فيه كاسات شفافة و الجزء التانى فيه زى كراكيب و حاجات مثلا زى عدة التصليح ..و قلت ل بنتى الكبيرة انه المفروض .الدولاب  نحط فيه كاسات و أكواب و انا هشيل الكركبة منه و شاورت على ضلفة تانية فيها أكواب  ..و قلت افتح الدرج بتاع العدة بتاع زوجى و اروق و احط فيه العدة اللى لقيتها ...فتحت الدرج لقيت فيه شريط ستاير و شراشيب ستاير لونها زى نبيتى او فوشيا محمر ..و المفروض انه دى حاجات قديمة   انا مستغربة انه زوجى لسه محتفظ بالحاجات دى ..و طلعتهم و حطتهم فى كيس علشان ارميهم و لقيت كمان لعبة اطفال قديمة و حطيتها كمان فى الكيس . لقيت زوجى جاى و قلت اخبي الكيس علشان ما يعرفش انى ناوية ارمى الحاجات دى ..و حطيت الكيس على الأرض و كان فى غسالة و لقيت الأرض تحت الغسالة ملزقة  و قلت محتاجة تنظيف .و لقيت المفروض انها بلكونة فى المطبخ و ليها ضلفتين خشب لونهم ابيض كبار و كانوا مفتوحين و انا قلت كويس البلكونة دى تساعدنا فى التنظيف و نحط فيها الحاجات ..و بعدين مش فاكرة انا زقيت الضلفتين علشان اعدى ولا كنت بفتحهم ولا بقفلهم مش عارفة...و رحت عند زوجى لقيته جايب معاه مفك و حاجات تانية و حطهم على الأرض...هو طول  الحلم كنت حاسة انه الدنيا مكركبة   ...شكرا
حبيبتى اولا الدرس او المدرس بتاع بنتك كويس اما انت امورك مكركبة وعايظة تنظيم فى افكارك وفيه قضاء حاجة لك باذن الله
يويو_يويو88 كتب:
ازيك يا ماما نجية
لو سمحتي انا متاخرة 4 سنين في الحمل وفي دكتور بتابع معاه وناوية اعمل معاه عملية حلمت اني عنده في العيادة وهو اطول من الحقيقة واسمر من الحقيقة بس مش أسود ولابس قميص لبني وعيادته اكبر من الحقيقة كذا أوضة والأوض فيها سراير كتير وعنده ممرضات كتير اكتر من الحقيقة وكشف عليا وكان ناوي ياخد عينة من الرحم بدون بنج وانا قولتله لا حتألم خليها المرة الجاية أبقى اعملهالي ببنج وقالي ماشي هل دي  أشارة اكمل معاه ولالا وشكرا لحضرتك
حبيبتى الدكتور كويس كملى معه باذن الله ربنا هيعطيك
nooraa كتب:
السلام عليكم ماما نجية. رأت صديقة غير متزوجة و تعمل في وظيفة مرموقة على لسانها:
دخلت مسجد مع صديقة لم أرى وجهها او أعرف من هي أو اسمها و كانت أتوقع رؤية زملاء قدماء. و غير بعيد عن الباب رأت سيدتين جالستين عرفت احداهما بصعوبة و قلت انت فلانة بآين بتفخيم الألف و الباء فقد نسيت الاسم الاول عندما استيقظت اما باين فاسم العائلة. فتحدثت السيدة الثانية و سألت صديقتها هل اسمك باين فردت بالإيجاب.
و تبين أن السيدة الثانية هي الفنانة شادية رحمها الله و كانت ترتدي حجاب لا يظهر سوى وجهها كما كانت أصغر سنا. كانت شادية بادية الانزعاج فقالت المرأة المدعوة باين أن مدام شادية متضايقة لأن الأطباء أخبروها أنها السبب في عدم الخلفة و أنها خففت عنها فنصحتها بعدم الاهتمام بما يقولون. فتعجبت أن مدام شادية مهتمة بموضوع الإنجاب . لم ارد التحدث كثيرا مع سادية حتى لا تتضايق لانها شخصية مشهورة
ثم إن شادية طلبت من صديقتها أن يعودا (يروحوا) فقلت لمدام شادية أنه مفيد أن تخرجي حتى لو نصف ساعة و انتهى. أرجو شرح معنى وجود شادية و انزعاجها.
حبيبتى انت هتخطبى قريبا باذن الله اما شادية فى مكانة حلوة ان شاء الله
nooraa كتب:
السلام عليكم رأيت أنني ذاهبة لمكان عملي مع أختي و تدعى منى و كنّا نركب تاكسي لكن وصلنا لبوابة فوجدنا مظاهرة و لم يكن هناك مكان حتى لمرورنا مشيا. و لاحظت نساء محجبات يرفعن لافتات عندما قرأتها وجدتها إعلانات لمشاريع لهن فقلت انهم يرفعون لافتات المظاهرة و بالمرة الناحية الثانية يعملوا إعلانات.
تضايقت لعودة المظاهرات و القلاقل و قررت العودة للمنزل و قلت لأختي اعطي السائق جنيهين لأننا لن نذهب .  فوضعت أختي أوراق نقدية بعيد عن التاكسي فتضايقت أن اختي لم تنتبه و اخرجت مائتين من الجنيهات بدلا من جنيهين  حتى لم تعطهم للسائق بل تركتهم  فأخذت النقود و كان بها ورقة واضحة عليها رقم ٧٧ و استغربت لوجود ورقة فئة ٧٧ جنيه ثم قلت لأختي اعطي السائق جنيهين في يده أو ضعيهم حيث يراهم. لم أرى السائق في الحلم. أنا حاليا في أجازة من عملي و اعمل في مكان اخر و قاربت الإجازة على الانتهاء. آنسة و كدلك أختي مسلمة اعمل.
حبيبتى انت مش عاوزة ترجعى لعملك مرة اخرى وفيه مشكلة فى الرجوع وهتحاولى ترك عملك والذهاب لاخر
kitkat كتب:
السلام عليكم
حلمت انى فى يوم فرحى و انى فى الكوافير و كان كأنه فى شقة و  انا مستنيه دورى و ندوا عليا لما جه دورى دخلت اوضه عملت بادكير و شوفت حد بقصافة قصلى ضوافر ايدى و بعدين طلعت استنيت تانى و بعدين لبست الفستان حسيته واسع و كل ما اسأل حد يقولى اه واسع و كنت واقفه قدام المراية اظبطه و جت واحدة من الكوافير ضيقتهولى من ورا و ببص لقيته مكلكع من ورا ففكيته و قولت يضيق من الجناب افضل و وقت وضع الميكاج جت واحدة ظبطت وشى و بعدين راحت تعمل شغل تانى و انا مستنية ترجع تحطلى الميك آب و لما جت عملته ببص فى المراية لقيت البودرة مش متوزعة حلو و قولت انا اصلا بعمل ميك أب احلى من كده و مسكت فرشة قعدت اظبط وشى هو مش مكياج فرح بس على الاقل شكله يكون مقبول هو و الفستان على قد ما اقدر
و خلص الحلم على كده
انسه و اعمل
حبيبتى ان شاء الله هتخطبى وهتتزينى لفرحك
kitkat كتب:
السلام عليكم
حلمت ان فى شخص اعرفه اتصل بيا و قالى انه مستنينى فى مطعم اسمه الف ياء 000 (أي 000) و انا بقفل معاه كان هو بيقول للجرسون انا مستنى من 6 ل 7 اشخاص لانى المفروض كنت نازلة معايا اهلى
آنسة و اعمل
حديث نفس
بوسى 123 كتب:
انا قلقانة بسبب الاحلام اللى بحلمها عن العريس القديم اللى كان عايز يرجع تانى و عملت استخارة مرتين كمان ...اول حلم ..انى فى بيت جدى القديم و فيه سرير و انا  كنت نايمة عليه بين امى الله يرحمها وواحدة ست قريبتنا اتوفت من كام شهر ..و بعدين هما الاتنين كانوا نايمين وانا قمت و قلت خلاص امشي مادام هما نايمين و مسكت بنطلون ابيض و بدأت البسه  لقيتهم فجاءة صحيوا من النوم ..و قلت يعنى جايين تصحوا و تتكلموا لما انا خلاص همشي ..
حلم تانى .. كنت راكبة عربية مع ابنى و ماشيين ف شارع رئيسي جنب بيتنا فى الحقيقة و لقيت عمارة عالية و تحتها بنك مصر و بقول يا ترى هى دى العمارة؟؟ ابنى قال ايوة هى دى و انا بحاول اشوف رقم العمارة 48 ولا لا ..ابنى قال لى ايوة هى ..العمارة كانت فيها دوران كده و شكلها مش جديد قوى بس كويسة.و مشينا لقيت اننا وصلنا الشارع اللى كان فيه بيت أهلى زمان ..و لقيت فى العربية معانا بنتين من أصحاب بنتى الكبيرة (واحدة منهم اسمها مريم  )...و لقينا مكان فاضى علشان نركن العربية بس كان فى عربية لسه يادوب  ركنت قبل المكان الفاضى و فيه ناس واقفين جنب العربية اللى ركنت وراجل كبير مش عايز ابنى يركن..و لقينا مكان تانى قدام شوية و بعدين لقيت نفسي واقفة قدام العمارة القديمة بتاعت أهلى و فيه ناس فنانين او مشهورين نازلين من العمارة و لقيت ناس راجعين من الصلاة (تقريبا صلاة العشاء) و دخلوا العمارة و فى واحد منهم كان راجل زى شيخ عنده ذقن و لابس جلابية بيضاء ..شكرا
حبيبتى فيه موضوع قديم هينفتح تانى ان شاء الله اما التانى حبيبتى الموضوع القديم هيرجع بس عليك بصدقة ان شاء الله
sasoloveyou كتب:
ماما نجيه ازيك، انا حلمت اني كنت مع بنتين صحابي ف كنيسه بس مش فاكره مين البنتين دول والقس كان بيقول للناس خطبه كدا وكل شويه يقولنا اسكتو عشان انا وصحابي كنا مش مهتمين وقاعدين نتكلم ومش مركزين ف حاجه فيما معناه انه مش عشان انتو مسلمين ف متهتموش كدا، فجأه لقتني كتبت جمله كدا بس انا مكنتش قصداها والله هو كأني كنت ف محاضره مثلا ف كتبتها والجمله كانت الله خلق بعض المخلوقات رحت بصيت فيها تاني وقريتها وشطبت جامد كل كلمه بعض دي وكتبت كل المخلوقات او سيبتها كدا الله خلق المخلوقات تقريبا، بعدها لقيت واحد تاني شغال ف الكنيسه وكان لابسه حاجه ضيقه اوي شبه الجلبيه كدا ولونها نبيتي ولابسه طاقيه صغيره راح وقف قدام الشباك وولع انوار كتيره ف الشارع، بعدها لقيت حد جه ولع بخور بس كان ريحته وحشه اوي بجد مكنتش مستحملاه ف كنت عايزه امشي وحاولت فعلا، فجأه طلع راجل كبير ف السن ومسكني من ايدي وكان شكله شرير اوي كأنه عايز يأذيني وبيقولي رايحه علي فين وكل ما اهرب منه يطلعلي وفجأه لقيت نفسي بحاول اهرب منه ولقيت المكان دا كأنه مهجور وضلمه وطلعتلي بنت كدا معرفش هيا مين ومشوفتش وشها بس كأنها صحبتي واعرفها ومكانتش بتتكلم خالص فضلت ماسكه فيها جامد من خوفي وهيا مبتكلمنيش بس ماسكه حاجه بتنور عشان تنورلي الطريق وبتحاول تخرجني رحت من الخوف قريت ايه الكرسي وبعدين وصلت للباب كان باب حديد صغير وجمبيه علطول في دابه شكلها مخيف انا مش عارفه نوعها ايه بس حاجه تخوف رحت قريت خواتيم سوره البقره وهيا لما قريت قرآن بصت بعيد ومجتش جمبي وكنت يدوب ع الباب بعديه عشان اخرج صحيت من النوم
انا خايفه من الحلم اوي يا ماما ف ياريت تفسريلي كل التفاصيل دي
حبيبتى انت ربنا هيهدى طريقك وهينوره وهتخطبى قريبا باذن الله بس عليك بقراءة خواتيم سورة البقرة باستمرار
Ghalia كتب:

السلام عليكم ورحمه الله وبركاته 
حلم لصاحبتي 
حلمت اني في أوضه وفيها شباك مفتوح والدنيا ليل بره وكان معايا شاب انا عارفاه اسمه سامر والمفروض ان ده كتب كتابي انا وهو بس انا مشوفتش كتب الكتاب ولا مأذون ولا معازيم بس عرفت ان كتب الكتاب تم وبعدين بدور على سامر ملقتهوش وبصيت من الشباك بردو مشوفتوش المهم جزء مني قلق وكان عاوز يستناه وبعدين قلت لنفسي عنه ما رجع وبعدين كان في تورته الفرح لقيت بنت قريبتي عندها حوالي ١١ سنه و اسمها فاطمة هي سمرا ورفيعه شويه دخلت تسألني على حاجه مش فاكره هي ايه بس قولتلها خديها وهي فرحت وقَعَدت تقولي بجد وانا قولتلها اه خديها وبعد ما مشيت قعدت اكل في التورته وكان لونها لبني كان عليها من فوق قلب من كيكه و لونه لبني بردو 
سامر ده كان في موضوع ارتباط بيني و بينه وانتهى 



انا انسه
ان شاء الله هتخطبى قريبا لشخص غير سامر وكل شئ نصيب
Ghalia كتب:

السلام عليكم ورحمه الله وبركاته 




انا حلمت ان معايا انا وماما فلوس دولارات كتيره وبعدين مسكنها لقيناها مزوره و مش شكل الفلوس الدولارات خالص وواحد بيقولنا هيتصرفوا عادي متقلقوش 



انا انسه 


حبيبتى ان شاء الله هترزقى من حيث لاتحتسبى
ronyrosa كتب:
السلام عليكم
انا لي اختين متزوجات. واحده منهم هي اللي حلمت الحلم ده ..مع العلم انها حامل. حلمت ان بابا زمايله عاملين له حفل تكريم في البيت عندنا وجم ع غفله..وكان مبسوط بان حد تذكره وعمل له حفله..وشافت ان دكتور زويل داخل الحفله مع صديق بابا اسمه د. علي وكانوا فرحانين وبيرقصوا..هي لما الناس جم فجاه بقت تدور ع حاجه تلبسها بسرعه زي اسدال..مع انها كانت مستغربه ازاي تلبس اسدال وفي مصورين وناس مهمين بس من الاستعجال لبسته بسرعه. بعدين طلعت الدور التاني لغرفه ماما الله يرحمها لقت اكياس وشنط ..ولقت ع السرير 3 بلوفرات حريمي تريكو بس شكلهم حلو جدا وبيلمعوا فقالت في نفسها دول اكيد ماما جايباهم لنا احنا ال 3.
ونزلت تدور على ماما فلقتني انا وماما قاعدين في غرفه وبنقولها احنا اتبرعنا بالبروشات الفضه..وانا كنت موافقه ماما ع كده.. (هي بتقول انها في بالها في الخلم انهم بروشات فضه تركي قديمه وكبار في الحجم..مع العلم اننا عمرنا ما كان عندنا حاجه بالوصف ده). المهم ماما بتقولها ان كان لازم ندي حاجه للناس اللى جم دول وانا كنت موافقه ع راي ماما وباكد عليه..فاختي قالت لنا بعصبيه..اوك خلاص انتم اخرار بس انا هاخد البلوفرات اللي فوق لي..
خلص الحلم ع كده.بس اختي بتقولي ان انا وماما كنا لابسين في صوابعنا خاتم فضه حجمه صغير بس الخواتم الاتنين ..بتاعي وبتاع ماما زي بعض.

فكده يبق ايه؟؟
البلوفرات والبروش والخواتم دول رمز لايه.
انا انسه غير متزوجه..وعايشه مع بابا ..بس تعبانه جدا جدا لان بابا طعبه صعب وكل مدى الامور بتزيد تعقيد لحد ما خلاص صحيا ونفسيا اتاثرت.
حبيبتى اختك ان شاء الله ربنا هيعطيها ولد وانت هياتيك عريس قريبا والله معك
الرجوع الى أعلى الصفحة اذهب الى الأسفل
 
تفسير احلام يوم الثلاثاء الموافق 10\9 ان شاء الله
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
منتديات ماما نجية لتفسير الاحلام  :: ✿~ ●| ▐|قســـــــم تفســـــــــــير الأحــــــلام | ▐|✿~ ● :: ●~✿| ▐|تفسير الاحـــلام مع المفسرة الغالية ماما نجية | ▐|✿~ ●-
انتقل الى: