منتديات ماما نجية لتفسير الاحلام

منتديات ماما نجية لتفسير الاحلام

عفوا المنتدى للنساء فقط
 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 تفسير احلام يوم الاربعاء الموافق 9\19 ان شاء الله

اذهب الى الأسفل 
كاتب الموضوعرسالة
ماما نجية
شخصية vip
شخصية vip


عدد المساهمات : 5399
تاريخ التسجيل : 17/07/2011

مُساهمةموضوع: تفسير احلام يوم الاربعاء الموافق 919 ان شاء الله   الثلاثاء 11 سبتمبر - 22:52

تفسير احلام يوم الاربعاء الموافق 9\19  ان شاء الله
الرجوع الى أعلى الصفحة اذهب الى الأسفل
بوسى 123
عضوة
عضوة
avatar

عدد المساهمات : 358
تاريخ التسجيل : 28/09/2014
العمر : 51

مُساهمةموضوع: رد: تفسير احلام يوم الاربعاء الموافق 9\19 ان شاء الله   الأربعاء 12 سبتمبر - 10:10

رقم ١ ....حلمت انى قاعدة على كنبة او كرسي فى صالة بيت و بنتى الكبيرة قاعدة على كنبة على الجنب التانى و فيه راجل قاعد على كنبة فى الوش..بس فى مسافات بيننا و بين بعض يعنى مش قريبين من بعض مع اننا فى نفس الصالة...و بعدين انا بتكلم فى الموبايل و بعدين خلعت فردة شبشب من رجلى و كان لونه اسود و شكله رجالى شوية و لقيت القردة بعيدة عنى شوية ..و بعدين بنتى بتقول لى انه الراجل ده عايز فردة الشبشب التانية كمان ..و انا قلت لها و ماله ماهو لازم ياخد الفردتين و اعتقد خلعت القردة التانية ..و بعدين بنتى قامت و داخلة ناحية الحمام زى ما تكون بتفتح و تجهز الحمام للراجل ده ...


الرجوع الى أعلى الصفحة اذهب الى الأسفل
maimoonah
عضوة
عضوة
avatar

عدد المساهمات : 47
تاريخ التسجيل : 20/03/2014
العمر : 36

مُساهمةموضوع: رد: تفسير احلام يوم الاربعاء الموافق 9\19 ان شاء الله   الأربعاء 12 سبتمبر - 18:29

رقم 2
  رايت خالتي مريم المتوفيه تعطيني عباءه سودا وكان عمري صغيرا كانني بالعاشره فقالت لي امي هل وجدت عبايه فقلت نعم ولبستها وكانت عبايه امراه فكانت علي وااسعه واكمامها طويله الحاله مطلقه ومخطوبه وافكر في القبول او الرفض
الرجوع الى أعلى الصفحة اذهب الى الأسفل
بوسى 123
عضوة
عضوة
avatar

عدد المساهمات : 358
تاريخ التسجيل : 28/09/2014
العمر : 51

مُساهمةموضوع: رد: تفسير احلام يوم الاربعاء الموافق 9\19 ان شاء الله   الجمعة 14 سبتمبر - 21:07

رقم ٣ ...حلمت انه انا فى حجرة النوم بتاعتى على سريري و بنتى الكبيرة جت و انا بقول لها ايه الطرحة الحلوة دى ..(الطرحة دى قديمة كان بقالها مدة عندى فى الحقيقة و لونها بنى و برتقالى و بيج و منقوشة ورد صغير ) و بعدين قلت ل بنتى هو انتى متأكدة ان الطرحة لايقة على الهدوم بتاعتك و كنت اقصد انه هى لابسة حاجة منقوشة و الطرحة كمان منقوشة و كده ممكن يبقوا مش لايقين على بعض ..و بنتى كانت لابسة جاكيت او سويتر فوق هدومها و كان لونه اخضر زيتى..و بنتى ردت عليا و قالت لى انها ما كانتش متوقعة ان الطرحة هتعجبها اوى كده و كانت مبتسمة و مبسوطة ..و انا زى بقول ان بنتى ما كانتش الطرحة دى بتعجبها قبل كده و بقول انا اصلا بلبسها على طقم واحد بس ...
(بعد الحلم ده بيومين بنتى قالت لى انه العريس اللى كان متقدم من فترة قريبة و بعدين الموضوع ما تمش. العريس ده عايز يفتح الموضوع تانى ..
كمان فى ناس كانوا بيلمحوا على موضوع عريس بس ما حدش اتكلم لحد دلوقتى )
حلمت كمان انه زى ما اكون انا رحت مكان بعيد و معايا حد بس مش عارفة مين و بعدين المفروض اننا منتظرين بنت عمى امنية ترجع و هى راحت تشترى كنافة و قطايف ...المهم اتصلنا ب أمنية و هى كانت قايلة لنا انها فى سيدى جابر و احنا كنا وقتها زى راكبين عربية على الكورنيش فى سيدى جابر و مشينا فى اتجاه و بعدين لما اتصلنا ب أمنية طلع انها فى مكان تانى و غيرنا اتجاهنا..و بعدين لقيت نفسي ماشية على رجلى و امى الله يرحمها ماشية ورايا ..و لقيت راجل و قلت لوالدتي اشترى كنافة و قطايف من عنده و كمان بيبسي ..و شفت شوية كنافة نية بس مش كتير .و قلت لوالدتي خلاص نشترى من هنا انا خلاص مش ناوية استنى حد و كنت اقصد امنية بنت عمى و كنت متعصبة و متضايقة ..و ماما قالت لى ليه و انا رديت عليها و انا متعصبة انه واحد منهم جاى غصب عنه و التانى مش عارف يروح فين ...
فى الحقيقة فى مشكلة فى الميراث مع اقاربي و كنا بنتكلم فى الموضوع من يومين
الرجوع الى أعلى الصفحة اذهب الى الأسفل
نانا_توتا
عضوة
عضوة
avatar

عدد المساهمات : 139
تاريخ التسجيل : 18/07/2011
المزاج : الحمدلله على كل شىء

مُساهمةموضوع: رد: تفسير احلام يوم الاربعاء الموافق 9\19 ان شاء الله   الجمعة 14 سبتمبر - 21:44

حلم رقم4
ازيك يا ماما نجيه يا رب تكونى بخير دايما
الحلم لصاحبتى حلمت ان بنتها الكبيره هى ثانويه عامه شافت تشيع جنازه وعارفه انها بنتها لكن مشافتهاش وشايل الخشبه4رجال ومحدش ماشى ف الجنازه وصاحبتى جريت وراها علشان تصلى عليها عشان خايفه تروح المسجد متلافيش حد يصلى عليها فتصلى هى عليها
صاحبتى متزوجه ومواظبه ع الصلاه ودى بنتها الكبيره الا حلمت بيها والبنت بتصلى
الرجوع الى أعلى الصفحة اذهب الى الأسفل
بوسى 123
عضوة
عضوة
avatar

عدد المساهمات : 358
تاريخ التسجيل : 28/09/2014
العمر : 51

مُساهمةموضوع: رد: تفسير احلام يوم الاربعاء الموافق 9\19 ان شاء الله   السبت 15 سبتمبر - 14:32

رقم ٥ ..انا فى الحقيقة عندى بلوزة و فيها لولى ابيض ..حلمت ان انا بقول انه انا حطيت البلوزة دى فى الغسالة و كده اللولى زمانه وقع و رحت بسرعة معايا زوجى نشوف ايه اللى حصل ..لقيت ماكينة تصوير ورق و فتحتها من فوق لقيت حتة فيها عقد لولى ابيض كبير عندى زيه اصلا ..و العقد المفروض انه انقطع و لقيت كمان جنبه كام واحدة لولى حجمهم أصغر المفروض الصغيرين دول اللى وقعوا من البلوزة ..و زوجى قال لى استنى ده كده العقد محتاج حد يصلحه
امبارح عملت استخارة علشان اشوف هل نفتح موضوع العريس من تانى ولا بلاش ...حلمت انى بتكلم فى الموبايل مع صاحبتى سمر و انا داخلة الشارع بتاعنا و لقيت تحت العمارة القديمة اللى كنا ساكنين فيها لقيت محل فتح جديد و بقول ل صاحبتى ده دكتور اسنان فتح جديد و انا معدية لقيت شاب فى المحل ماسك الكارت بتاع المحل و عايزنى اخد منه الكارت ..و رحت فعلا و سايبة صاحبتى بتتكلم ع الموبايل و مش مركزة معاها..دخلت المحل لقيت فيه ٣ شبان و لما دخلت كنا بنتكلم عن انه ده محل مكوجى او دراى كلين ..و قلت لهم انا ساكنة فى نفس العمارة هنا يعنى هتعامل معاكم و كنا مبتسمين وواحد منهم قال لى احنا عننا طريقة مميزة لتنظيف النيش ...طلعت من المحل بصيت لقيت الكارت مكتوب فيه اسم مايكل ..قلت ل صاحبتى ده مسيحى ...انا ممكن اتعامل مع مكوجى مسيحى لانى زمان كنت بتعامل مع مكوجى مسيحى ...لكن دكتور اسنان مسيحى صعب اتعامل معاه ...(فى الحقيقة العريس مستواه الاجتماعى مش عاجبنى اوى )مش عارفة الحلم ده له علاقة ولا ايه.... شفت كمان حلم قصير انه فى عمال واقفين يبنوا عمارة و انا بتفرج عليهم بس زى ما نكون فى حتة عالية يعنى بيكملوا البناء و لقيت الراجل اللى زى المشرف عليهم او صاحب الشغل لابس هدوم مش عاجبانى خالص بنطلون اصفر فاتح و قميص اسود فى اخضر و منقوش و قعدت ابص و مش عاجبنى خالص منظره و كان راجل كبير فى السن شوية
شكرا

الرجوع الى أعلى الصفحة اذهب الى الأسفل
marooo21
عضوة
عضوة
avatar

عدد المساهمات : 115
تاريخ التسجيل : 23/11/2011
العمر : 31

مُساهمةموضوع: رد: تفسير احلام يوم الاربعاء الموافق 9\19 ان شاء الله   الأحد 16 سبتمبر - 8:50

حلم رقم 6
حلمت اني روحت الكوافير علشان فرحي علي جوزي و كان معايا اخت جوزي و انا بشوف الحاجه بتاعتي لاقيت نفسي ناسيه الباضي و الشراب و فضلت اعيط علشان كده هتأخر ف اخت جوزي شافتني بعيط لاقيتها دمعت و كانت بتهديني و بتقولي متخافيش هبعت حد يجبهم من البيت ..
انا لسه متجوزة وده تالت اسبوع في الجواز ليا .. الحمدلله ملتزمة بالصلاة و القرآن و مش بشتغل واخت جوزي لسه انسه و بتشتغل
الرجوع الى أعلى الصفحة اذهب الى الأسفل
بوسى 123
عضوة
عضوة
avatar

عدد المساهمات : 358
تاريخ التسجيل : 28/09/2014
العمر : 51

مُساهمةموضوع: رد: تفسير احلام يوم الاربعاء الموافق 9\19 ان شاء الله   الأحد 16 سبتمبر - 23:22

رقم ٧ ..حلمت انه انا و بنتى الكبيرة قاعدين قدام بيانو فى الريسبشن بتاع بيتنا و زى انا بعزف بس مش فاكرة كان فى صوت ولا لا ..اللى فاكراه انى شفت أصابعى بتتحرك فى الهوا ..و بعدين بنتكلم عن اغنية اجنبي قديمة ..و بعدين لقيت ست جاية من عند الطرقة اللى عند حجرات النوم و كانت تقريبا لابسة تايير و لابسة على رأسها برنيطة و نازل منها جزء تل صغير و لون البرنيطة احمر او برتقالى و انا شايفة ان البرنيطة مش لايقة على الهدوم ..و المفروض انه فى ست تانية معاها عند الطرقة بس ما شفتهاش ..و انا بقول للست هو انتو اتاخرتوا كده ليه ده انتو بتتلكعوا قوى ..الست راحت عند الشباك و فتحت ضلفة زجاج الشباك .(احنا عندنا بيانو فعلا)


حلمت انى كنت عند ناس اقاربي و ماشية من عندهم و بقول لهم لازم تيجوا تزورونا زى ما انا زرتكم و تجيبوا بنتكم و عريسها معاكم ( انا فى الحقيقة كنت لسه عندهم علشان ابارك لبنتهم بمناسبة الجواز) .. و قلت لهم انا ماشية علشان بنتى الصغيرة عندها درس قران الساعة 11 بس الناس دول الراجل و مراته زى ما يكونوا قاعدين على الأرض و مشغولين فى حاجة زى بيرتبوا حاجات مثلا فى دولاب ...بعد كده لقيت نفسي مع ابن عمى و زوجته فى بيتهم القديم بس تحت قريب من الشارع و نفس الكلام قلت لهم لازم امشي بسرعة علشان بنتى الصغيرة عندها درس قران الساعة 11..و كانت بنتى الكبيرة واقفة برة فى الشارع منتظرانى..ايه تفسير الساعة فى الاحلام؟؟؟
الرجوع الى أعلى الصفحة اذهب الى الأسفل
Ghalia
عضوة
عضوة
avatar

عدد المساهمات : 47
تاريخ التسجيل : 27/12/2017
العمر : 30

مُساهمةموضوع: رد: تفسير احلام يوم الاربعاء الموافق 9\19 ان شاء الله   أمس في 17:38

حلم رقم ٨

انا حلمت بأحمد حلمي الممثل  معاه كلب صغير و كان في مرتبه على الارض المفروض انها بتاعتي و الكلب تبول فيها فأحمد حلمي قالي اطلعي على السرير بتاعك و فعلا طلعت و كأني انا غسلت المرتبه او هو قالي حد غسلها 


انا أنسه 

الرجوع الى أعلى الصفحة اذهب الى الأسفل
soli
عضوة
عضوة
avatar

عدد المساهمات : 17
تاريخ التسجيل : 05/10/2011

مُساهمةموضوع: رد: تفسير احلام يوم الاربعاء الموافق 9\19 ان شاء الله   أمس في 19:20

حلمت انى بفتح الكومبيوتر فحطيت الفيشة علشان اشغله فعلق فرحت شايله الفيشه علشان اطفيه وارجع اشغله تانى جزء من الفيشه لزق فى الكوبس ومش رضى يخرج والكومبيوتر كان بينزل مية وانا خوفت ليعمل ماس فرحت اقفل زارير الكهربا من برا فقفلت واحد افتكرت انوا العمومى للشقة كلها ولكن النور فضل شغال حاولت ارفعالزرار تانى الكهربا كانت بتسحب ايدى كل مرة فقولت لاختى الكبيرة شوفى مفك عندك نرفع بيه الزرار وحاولت بيه طلع نار بسيطة حوالين الزرار بس كانت بتكبر فانا نفخت فيها فطفت وبعدين جت اختى الوسطانية قفلت زراير كدا كانت موجودة على الحيطة اللى تحت اللوحة بتاعه الكهربا اللى كنت بحاول فيها
الرجوع الى أعلى الصفحة اذهب الى الأسفل
soli
عضوة
عضوة
avatar

عدد المساهمات : 17
تاريخ التسجيل : 05/10/2011

مُساهمةموضوع: رد: تفسير احلام يوم الاربعاء الموافق 9\19 ان شاء الله   أمس في 19:27

حلمت انى كنت زى ما اكون بتخانق مع مرات اخويا هى زى ما يكون كانت مسافرة ورجعت البيت مع عيالها وواقفة باردة وانا متعصبة وبتخانق زى ما تكون بتستفزنى ووالدى رحمة الله عليه كان واقف بس ساكت وبيضحك مش فارق معاه وانا متعصبة علشان الخناقة ازاى هو يكون مبسوط وانا بتخانق
الرجوع الى أعلى الصفحة اذهب الى الأسفل
Ghalia
عضوة
عضوة
avatar

عدد المساهمات : 47
تاريخ التسجيل : 27/12/2017
العمر : 30

مُساهمةموضوع: رد: تفسير احلام يوم الاربعاء الموافق 9\19 ان شاء الله   اليوم في 2:29

حلم رقم ١١
في حلمين لماما 
ماما حلمت اني شاريه فستانين سواريه واحد ابيض وواحد بمبي 
ومن أسبوع حلمت انها ماشيه على ارض تحتها ميه و الارض سمكها قليل و عدت الحته دي و الارض اتظبطت بس اكنها في إشارة و عايزه تعدي و في عربيّات نقل كتير كانت خايفه منهم بس عدت الناحيه التانيه ومحصلش حاجه 
انا أنسه 

الرجوع الى أعلى الصفحة اذهب الى الأسفل
بوسى 123
عضوة
عضوة
avatar

عدد المساهمات : 358
تاريخ التسجيل : 28/09/2014
العمر : 51

مُساهمةموضوع: رد: تفسير احلام يوم الاربعاء الموافق 9\19 ان شاء الله   اليوم في 12:04

رقم ١٢ ...عملت استخارة علشان موضوع العريس اللى عايز يرجع يتكلم تانى ..حلمت انى واقفة مع زوجى فى الشارع و المفروض نعدى الشارع بس لقيت زوجى واقف مش بيعدى..و انا سألته ليه مش بنعدى قال لى فى ولد صغير اسود واقف الناحية التانية و انا خايف يخطفك ..بصيت شفت الولد فعلا تقريبا عمره ٩ ولا ١٠ سنوات .. لقيت رجالة كمان لونهم اسود و كلهم زى واقفين فى محل .. قلت ل زوجى على فكرة ده فى ناس تانيين لونهم اسود مش بس الولد .
حلم تانى ...انا و بنتى الكبيرة فى المطبخ لقيت واحد قريبنا اسمه ابراهيم واقف معانا و انا بقول لنفسي أن هو معانا فى البيت و زوجى مش موجود و قلت مش مشكلة ..و ابراهيم طلب كوب شاى من بنتى و هى قالت له انها عملت خلاص لقيت فعلا كوب شاى على الرخامة و الشاى كان لونه فاتح ..و بعد كده لقيت بنتى الصغيرة داخلة معايا حجرة و فتحت بلكونة و بتقول لى الاكل بتاع الحمام عفن فى الطبق و هى ماسكة فى أيدها زى علبة صغيرة لونها فضى شبه الألومنيوم مثلا و زى هو ده يعنى طبق الاكل بتاع الحمام قلت لها مش عارفة نرميه خلاص ولا نغسله؟؟ قالت لى ليه ترميه ..اغسليه .قلت لها حطيه فى حوض الحمام علشان اغسله و لقينا ابراهيم واقف عند الحوض فى الحمام.(.ابراهيم متزوج و عنده بنت متزوجة و ابن غير متزوج)
حلم تالت ..انا ذهبت عند ناس و لقيت ٢ ستات واحدة منهم حامل ..و قعدت معاهم بس بعد شوية صغيرين قالوا انهم هيمشو و انا قلت لو هما ماشيين يبقى انا كمان امشي...و قلت هو انا اتأخرت ولا ايه ..مش معادنا كان الساعة ٦ و لا يمكن كان ٥ و انا اللى اتأخرت..و بعدين الست الحامل اتكلمت معايا عن شغل البيت و انه متعب و انا قلت لها فعلا متعب ..و بعدين الاتنين ستات قاموا و طلعوا من باب الشقة ..بس زى سلموا عليا الاول ...الست اللى مش حامل قالت لى مع السلامة يا طنط ..و انا استغربت لان فرق السن بينى و بينها مش كبير قوى كده علشان تقول لى طنط ...و بعدين لقيت صاحبتى سمر معايا زى ما يكون ده بيتها اصلا ..
الرجوع الى أعلى الصفحة اذهب الى الأسفل
Ghalia
عضوة
عضوة
avatar

عدد المساهمات : 47
تاريخ التسجيل : 27/12/2017
العمر : 30

مُساهمةموضوع: رد: تفسير احلام يوم الاربعاء الموافق 9\19 ان شاء الله   اليوم في 19:06

رقم ١٣

انا حلمت بخطيبي السابق حلمين هو متزوج من فتره كبيره 

حلمت مره انه على علاقه بواحد صاحبه بيحب فيه و ووشه وجسمه بيتحول لتلعب 

ومره حلمت انه مع أهله و ابن خاله ( ابن خاله توفى قريب ) وخطيبي السابق ده شعره شايب ودقته كمان و قاعد مكشر 

انا مفكرتش فيه خالص في المرتين 

الرجوع الى أعلى الصفحة اذهب الى الأسفل
 
تفسير احلام يوم الاربعاء الموافق 9\19 ان شاء الله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ماما نجية لتفسير الاحلام  :: ✿~ ●| ▐|قســـــــم تفســـــــــــير الأحــــــلام | ▐|✿~ ● :: ●~✿| ▐|تفسير الاحـــلام مع المفسرة الغالية ماما نجية | ▐|✿~ ●-
انتقل الى: